យោងតាមសារព័ត៌មាន Euro News ដែលបានចុះផ្សាយកាលពីថ្ងៃអង្គារ ទី១៤ ខែឧសភា បានបង្ហាញថាប្រាក់អឺរ៉ូដែលជារូបិយប័ណ្ណផ្លូវការរបស់សហភាពអឺរ៉ុបបានបន្តធ្លាក់ថ្លៃធៀបនឹងប្រាក់ដុល្លារអាមេរិកចាប់តាំងពីដើមឆ្នាំ ២០២៤ នេះមកម៉្លេះ។ តើមានកត្តាចម្បងអ្វីខ្លះដែលបណ្ដាលឱ្យប្រាក់អឺរ៉ូរបស់សហភាពអឺរ៉ុបបន្តធ្លាក់ថ្លៃធៀបនឹងប្រាក់ដុល្លារអាមេរិកបែបនេះ?

ពាក់ព័ន្ធនឹងសំណួរនេះក្រុមអ្នកជំនាញបានវាយតម្លៃថា ការធ្លាក់ថ្លៃរបស់ប្រាក់អឺរ៉ូអាចបណ្ដាលមកពីកម្រិតខុសគ្នានៃអតិផរណាក្នុងតំបន់ចាយប្រាក់អឺរ៉ូនិងសហរដ្ឋអាមេរិកហើយនេះជាសញ្ញាចង្អុលបង្ហាញថាប្រាក់អឺរ៉ូអាចនឹងបន្តធ្លាក់ថ្លៃបន្ថែមទៀតបើធៀបនឹងប្រាក់ដុល្លារអាមេរិក។ ប្រាក់អឺរ៉ូដែលជារូបិយប័ណ្ណផ្លូវការប្រើប្រាស់រួមគ្នាដោយប្រទេសសមាជិកចំនួន ២០ នៃសហភាពអឺរ៉ុបរួមមាន អូទ្រីស បែលហ្ស៊ិក ក្រូអាស៊ី ស៊ីប អេស្តូនី ហ្វាំងឡង់ បារាំង អាល្លឺម៉ង់ ក្រិច អៀរឡង់ អ៊ីតាលី ឡាតវី លីទុយអានី លុចសំបួ ម៉ាល់តា ហូឡង់ ព័រទុយហ្គាល់ ស្លូវ៉ាគី ស្លូវេនី និងអេស្ប៉ាញ បានធ្លាក់ថ្លៃគួរឱ្យកត់សម្គាល់បើធៀបនឹងប្រាក់ដុល្លារអាមេរិកដោយបានធ្លាក់ថ្លៃប្រមាណ ២,២% គិតចាប់តាំងពីដើមឆ្នាំ ២០២៤ មក។

អត្រាប្តូរប្រាក់អឺរ៉ូធៀបដុល្លារអាមេរិកស្ថិតក្នុងកម្រិតទាបជាប្រវត្តិសាស្ត្រនៅឡើយដោយក្នុង ១ អឺរ៉ូបប្ដូរបានក្រោម ១,០៨ ដុល្លារអាមេរិកគិតត្រឹមថ្ងៃទី ១៤ ខែឧសភា ទោះបីជាប្រាក់អឺរ៉ូបានហក់ឡើងថ្លៃតិចតួចនាពេលថ្មីៗនេះក៏ដោយ។ ជាការពិតណាស់ធនាគារកណ្តាលអឺរ៉ុប (ECB)
និងធនាគារកណ្តាលអាមេរិកមានគោលនយោបាយរូបិយវត្ថុខុសប្លែកពីគ្នាខ្លាំងដែលបានបណ្ដាលឱ្យអត្រាការប្រាក់លើមូលបត្របំណុលរដ្ឋាភិបាលក៏មានភាពខុសគ្នាកាន់តែខ្លាំងផងដែរដែលជាកត្តាបណ្ដាលធ្វើឱ្យប្រាក់អឺរ៉ូធ្លាក់ថ្លៃហើយទំនងជាបន្តធ្លាក់ថ្លៃបន្ថែមទៀតក្នុងពេលដ៏ខ្លីខាងមុខនេះ។
យោងតាមប្រភពពី៖ cambonomist

  Contact Us – អាជ្ញាប័ណ្ណឈ្មួញជើងសារឧបករណ៍និស្សន្ទ ចុះបញ្ជី លេខ 033 ទទួលស្គាល់ដោយនិយ័តករមូលបត្រកម្ពុជា

Exchange Square, 14th Fl, St 106, Wat Phnom, Phnom Penh Cambodia.
Hotline: +855 99 777 495
Email: [email protected]
Website: https://yaitrading.com.kh