G20 ជួបប្រជុំនៅអាមេរិក ខណៈការអញ្ជើញរុស្ស៊ីត្រឡប់មកវិញបង្កការមិនពេញចិត្ត

📅ថ្ងៃទី៣១ ខែសីហា ឆ្នាំ២០២៦ | Asheville, North Carolina

សហរដ្ឋអាមេរិកបានស្វាគមន៍ រុស្ស៊ី ឱ្យត្រឡប់មកចូលរួមកិច្ចប្រជុំ G20 នៅទីក្រុង Asheville រដ្ឋ North Carolina ខណៈការសម្រេចចិត្តនេះ រួមជាមួយការកំណត់សិទ្ធិចូលរួមរបស់ អ្នកសារព័ត៌មានមួយចំនួន បានធ្វើឱ្យមន្ត្រីហិរញ្ញវត្ថុមួយចំនួនដែលចូលរួមកិច្ចប្រជុំបង្ហាញការមិនពេញចិត្ត។ យោងតាម Reuters បញ្ហាទាំងនេះកំពុងបង្វែរការចាប់អារម្មណ៍ចេញពីគោលដៅសំខាន់របស់សហរដ្ឋអាមេរិក គឺការជំរុញឱ្យ G20 ផ្តោតលើកំណើនសេដ្ឋកិច្ចពិភពលោក។

កិច្ចប្រជុំរយៈពេល ពីរថ្ងៃ នេះកើតឡើងនៅពេល សេដ្ឋកិច្ចពិភពលោក កំពុងប្រឈមមុខនឹងសម្ពាធធំៗជាច្រើនក្នុងពេលតែមួយ។ ចំណុចសំខាន់ៗដែល Reuters លើកឡើងរួមមាន Energy Shock ដែលបង្កឡើងដោយ សង្គ្រាមអ៊ីរ៉ង់, ភាពតានតឹងកាន់តែខ្លាំងជុំវិញ អតិរេកពាណិជ្ជកម្មទំនិញដ៏ធំរបស់ចិន និងភាពមិនច្បាស់លាស់អំពីផលប៉ះពាល់រយៈពេលវែងពី ការវិនិយោគយ៉ាងច្រើនក្នុងវិស័យ Artificial Intelligence (AI)។

🛢️Energy Shock ក្លាយជាបញ្ហាធំសម្រាប់សេដ្ឋកិច្ចពិភពលោក

ចំណុចដែលគួរឱ្យតាមដានខ្លាំងបំផុតសម្រាប់ ទីផ្សារហិរញ្ញវត្ថុ គឺ ថាមពល។ ប្រសិនបើ សង្គ្រាមអ៊ីរ៉ង់ បន្តធ្វើឱ្យប្រេង និងថាមពលមានតម្លៃខ្ពស់ នោះប្រទេសនាំចូលថាមពលអាចប្រឈមនឹង ថ្លៃដើមផលិតកម្មខ្ពស់, អតិផរណាខ្ពស់ និង កំណើនសេដ្ឋកិច្ចយឺត។

នេះជាបរិយាកាសដែលអាចបង្កើនការព្រួយបារម្ភអំពី Stagflation — អតិផរណាខ្ពស់ ខណៈកំណើនសេដ្ឋកិច្ចខ្សោយ។ សម្រាប់ ធនាគារកណ្ដាល វាបង្កើតជម្រើសដ៏លំបាក៖ ការរក្សា អត្រាការប្រាក់ខ្ពស់ អាចទប់អតិផរណា ប៉ុន្តែអាចធ្វើឱ្យកំណើនកាន់តែយឺត ខណៈការបញ្ចុះ អត្រាការប្រាក់ អាចជួយសេដ្ឋកិច្ច ប៉ុន្តែមានហានិភ័យធ្វើឱ្យសម្ពាធតម្លៃកើនឡើងវិញ។

 China និង AI ក៏ស្ថិតក្នុងរបៀបវារៈធំ

Reuters ក៏ចង្អុលបង្ហាញថា ភាពតានតឹងកំពុងកើនឡើងជុំវិញ អតិរេកពាណិជ្ជកម្មទំនិញរបស់ចិន។ សម្រាប់ប្រទេសដៃគូ បញ្ហាគឺថា ការនាំចេញទំនិញចិនក្នុងបរិមាណធំ អាចបង្កើនការប្រកួតប្រជែងលើឧស្សាហកម្មក្នុងស្រុក និងជំរុញឱ្យមាន វិធានការពាណិជ្ជកម្មបន្ថែម។

ចំណែក AIវិញ បញ្ហាមិនមែនថាការវិនិយោគកំពុងកើនឡើងឬអត់នោះទេ ប៉ុន្តែគឺថា ការវិនិយោគដ៏ធំនេះនឹងបង្កើតផលិតភាព និងកំណើនសេដ្ឋកិច្ចបានច្រើនប៉ុណ្ណា និងថាតើការចំណាយដ៏ច្រើននាពេលបច្ចុប្បន្នអាចបង្កើត ផលចំណេញសមស្របក្នុងរយៈពេលវែង ដែរឬទេ។

📊ផលប៉ះពាល់សម្រាប់ទីផ្សារ

សម្រាប់ Gold 🥇បរិយាកាសនេះនៅតែផ្តល់កត្តាគាំទ្រ រយៈពេលមធ្យម ព្រោះ Energy Shock + Stagflation Risk + Geopolitical Uncertainty អាចបង្កើនតម្រូវការ Safe Haven។ ប៉ុន្តែទិសដៅរយៈពេលខ្លីរបស់មាសនៅតែពឹងផ្អែកខ្លាំងលើ Fed, USD និង U.S. Treasury Yields។

សម្រាប់ Oil 🛢️សង្គ្រាមអ៊ីរ៉ង់ នៅតែជាកត្តាហានិភ័យសំខាន់។ ប្រសិនបើ ការផ្គត់ផ្គង់ថាមពល ឬ ផ្លូវដឹកជញ្ជូនសំខាន់ៗនៅមជ្ឈិមបូព៌ា បន្តរងការរំខាន Oil Risk Premium អាចនៅតែខ្ពស់។

ចំណែក ទីផ្សារភាគហ៊ុន វិញ ការកើនឡើងនៃ ថ្លៃថាមពល និងភាពមិនច្បាស់លាស់លើ ពាណិជ្ជកម្ម អាចបង្កើនភាពប្រែប្រួល ខណៈ AI Investmentនៅតែជាកត្តាគាំទ្រផ្នែកមួយនៃទីផ្សារ Technology។

ថ្ងៃខែឆ្នាំ៖ ០១​ កញ្ញា ឆ្នាំ២០២៦
អត្ថបទដោយ៖ Dr. Bora Kea
Email: [email protected]
Telegram: https://t.me/drkeabora